THARASIUS melius Tarasius

THARASIUS melius Tarasius

Patriarcha Constantinopolitanus, stirpe, variâ eruditione, muneribus illustris. Consul enim primo, dein Constantino et Irenae a secretis, tandem Paulo Patriarchae surrogatus est, A. C. 784. Praesedit in Pseudo Concilio Niceno, quô, rebus ita instructis, ut nemo disputare auderet, substratis fundamenti locô figmentis et fabulis, imaginum cultus, et adoratio stabilita est: Carolô M. in Occidente contra nixô, qui Francofurti Conciliô 300. Episcoporum convocatô, A. C. 794. Synodum hanc Nicenam destruxit acta rescidit, statuitque, ut nec septima, nec Oecumenica, sed Pseudosynodus diceretur. M. Chemnit. in exam. de imagin. Simoniae postmodum accusatus, scriptâ ad Adrianum Papam epistolâ, se purgavit. Obiit A. C. 806. theoph. in Annal. Gr. Baronius, in Annal. Eccl. etc.